Ka ndërruar jetë mësimdhënësi Adem Shabani nga Përlepnica e Gjilanit
Ka ndërruar jetë Adem Shabani, zyrtar në bibliotekën e Përlepnicës, njëherit ish-mësimdhënës në këtë fshat të komunës së Gjialnit.
Në një shkrim nga drejtori i bibliotekës Fan S. Noli, është bërë I ditur lajmi për vdekljen e të ndjerit.
“Me dhimbje dhe shqetësim të thellë morëm lajmin se sot paska ikur përgjithmonë në amshim kolegu ynë i nderuar Adem Shabani. Arsimtari shumëvjeçar i shkollës dhe librar në Bibliotekën e fshatit Përlepnicë. Kolektivi i Bibliotekës së Qyteti ngushëllon të gjithë familjarët, farefisin, miqtë dhe kolegët e Ademit”, thuhet në njoftim.
Më tej ëshët përshrkuajtur një biografi e të ndjerit, veprimtaria e të cilit spikatë kryesisht në sferën e arsimit të hershëm në trevat e Gjilanit dhe Kamenicës, kryesisht në lokalitete të afërta me vendlindjen e tij, Përlepnicën.
Adem Shabani i lindur në vitin 1958, pasi ka përfunduar shkollën fillore në fshat, shkollimin e mesëm dhe Akademinë Pedagogjike i ka përfunduar në Gjilan dhe më 1978 nisi të punojë mësues në fshatin Busavatë, më pas në fshatin Makresh e Vërbicë të Kmetocit e prej aty në Kmetoc. Në vitin 1999 ai është punësuar mësues në fshatin Përlepnicë në Shkollën “Skënderbeu”, ku punoi 12 vite, për të kaluar më pas në Bibliotekën e fshatit Përlepnicë. Në kohën kur ishte i ri shkquhej për aktivitete sportive në basketboll volejboll dhe ishte gjyqtari i parë i volejbollit nga Përlepnica.
