SC Gjilani me komunikatë zyrtare prezanton pronarët e rinj të klubit
Sport Club Gjilani i ka publikuar detajet e ndryshimeve që kanë ndodhur brenda sktrukturës menaxhuese të klubit, duke saktësuar se tanimë klubi ka kaluar në pronësi të grupit të aksionarëve të rinj me përfaqësues z. Afrim Veliun, në cilësi të presidentit të klubit.
Siç bëhet e ditur më tej, pjesë të BORD-it do të jenë aksionarët e tjerë, Fatlum Pireva, Qëndrim Demiri, Valmir Emini dhe Shaban Bajrami.
“Klubi ka qenë në proces të ndërrimit të pronësisë dhe pritjes së investitorëve strategjik për të përmirësuar rritjen e ardhshme me qëllim të vetëm për të përfituar nga mundësitë si në fushën e blertë ashtu edhe në anën komerciale. Si pjesë e këtij procesi, klubi mori në konsideratë të gjitha alternativat strategjike, duke përfshirë investimet e reja në klub, stabilitetin financiar dhe atë sportiv, si dhe ndërtimin e një ekipi të ri konkurues pas ndryshimeve të shumta të bëra në afatin kalimtar të verës”, thuhet në njoftim.
BORD-i i ardhshëm i klubit do të bëj një vlerësim të disa nismave për ta forcuar atë, duke përfshirë zhvillimin e infrastrukturës, rritjen e akadamisë së klubit, ndërtimin e një strukture kompetitive për ekipin e parë dhe afrimin edhe me të madh të tifozëve me klubin, thuhet më tej në njoftim.
Gjithashtu, drejtuesit janë shprehur falënderues për gjithë qytetarët gjilanas e më gjërë, për mikëpritjen fantastike dhe durimin e shfaqur në kohët e krizës për klubin, i cili tashmë merr një rrugëtim të ri.
