Stuhia po i afrohet Shqipërisë, ora kur pritet të nisi shiu i fortë dhe rrufetë
Stuhia po i afrohet Shqipërisë, ora kur pritet të nisi shiu i fortë dhe rrufetë
Duke nisur nga ora 03:00 e mëngjesit të ditës së martë e deri në orën 10 pritet që në të gjithë territorin të ketë stuhi shiu.
Autoritet dhe disa bashki kanë dhënë alarmin, duke ju kërkuar qytetarëve të tregohen të kujdesshëm pasi pritet të ketë reshje me intensitet të lartë.
Gjithashtu priten erëra të forta dhe shkarkesa elektrike.
Ministri i Mbrojtjes Niko Peleshi thotë se qarqet më të rrezikuara janë në qarqet Shkodër, Lezhë, Durrës, Tiranë, Fier dhe Vlorë.
Peleshi sqaron se Ministria e Mbrojtjes dhe Agjencia e Mbrojtjes Civile është në gatishmëri, ndërsa i bën thirrje bashkive në të gjithë vendin që të marrin masat e nevojshme për çdo emergjencë.
Ndërkohë edhe OSSH ka theksuar mbrëmjen e sotme se i ka marrë të gjitha masat, duke nxjerrë në terren më shumë se 1 mijë punonjës, të cilët do të jenë për të rregulluar defektet nëse do të ketë goditje të linjave elektrike gjatë stuhisë.
