Gazetari – Modriçit: “Nuk është e mundur të jesh 37 vjeç. Si vrapon atëherë deri në minutën 119? – më trego pasaportën tënde!
Kroacia u kualifikua në finalen e Ligës së Kombeve, pas fitores sensacionale ndaj Hoalndës në kohën shtesë dy herë nga 15 minuta, në gjysmëfinalen e parë të Ligën e Konferencës me rezultat të përgjithshëm 2:4. Ndeshja në kohën e rregullt kishte përfunduar 2:2.
Padyshimi se hero i skuadrës Kroate ishte kreatori dhe ideatori i mesfushës, Luka Modriç, i cili zhvilloi ndeshje spektakolare. Një gazetar i televizionit publik të Holandës, “NOS”, ishte i befasuar teksa po e intervistonte në fund të takimit, pasi nuk mund të besonte se një 37 vjeçar luan akoma në atë moshë në nivelet më të larta planetare.
Teksa Luka Modriç po përgjigjej, pa një pa dy gazetari kërkoi nga ai që t’i tregonte pasaportën pasi e kishte të vështirë të besonte se ai ishte 37 vjeç, dhe se po luante e vraponte pandërprerë deri në minutën 119-të takimit.
Kroati buzëqeshi dhe u përgjigj decidivisht: “Nuk ka problem! Nëse dëshironi do t’ua tregoj pasaportën time pas intervistës. Po, saktë, pasaporta ime tregon që jam aq i vjetër sa thatë vet ju… Tifozët më japin shumë dashuri dhe respekt, prandaj më pëlqen të luaj edhe në këtë moshë”, tha Modriç.
