Gjilani triumfon në sfidën ndaj Dukagjinit
Gjilani ka arkëtuar pikë të plota përballë Dukagjinit (2-0) në ndeshjen e javës së 32-të në Albi Mall Superligën e Kosovës në futboll.
Dy skuadra që ishin në garë të drejtpërdrejtë për garat evropiane u vunë përballë njëra-tjetrës, ndërsa ‘Skifterat’ ia dolën të marrin pikë të plota.
Të zgjedhurit e Zekirija Ramadanit iu gëzuan fitores me nga një gol të shënuar në secilën pjesë të takimit.
Vetëm një herë u prek rrjeta në fraksionin e parë të sfidës së zhvilluar në stadiumin me bari artificial në Gjilan. Mevlan Zeka ishte golashënues (27’).
Goli i dytë i nikoqirëve u shënua në minutat shtesë, po ashtu nga Mevlan Zeka, për ta vulosur këtë fitore të rëndësishme
Falë këtij triumfi, Gjilani është ngritur në kuotën e 50-të pikëve dhe qëndron në vend të tretë me tetë pikë më shumë se Prishtina dhe nëntë pikë më shumë se Dukagjini.
