Greta Azizi, ngadhënjen në “Fest Flaka 2023″
Këngëtarja Greta Azizi, me një performancë të bukur e mjaft impresive, si dhe me teknikën e vokalit që e veçon, e ka bindur jurinë vlerësuese të “Fest Flaka 2023”, për ta shpallue fituese të edicionit të këtij viti, pas disa psesëmarrjeve paraprake me radhë gjatë edicioneve të kaluara.
Juria vlerësuese në përbërje Zekë Jusufi, profesor i muzikës, Fitore Osmani, profesoreshë e muzikës dhe Artan Bakija, këngëtar, kanë votuar për këngëtaren nga Komuna e Kamenicës, e cila, përveç paraqitjes dinjitoze, ka pasur edhe përzgjedhjen adekuate, duke interpretuar këngën “Rrisim jetën tonë”, të aranzhuar dhe orkestruar Burhan Azizi.
Çmimin solistes Azizi ia ka ndarë mjeku Jashar Ramadani, vëlla i heroit Agim Ramadani.
Festivali ka sjellë edhe çmimin e dytë, të cilin e kanë ndarë Anesa Bunjaku , që këndoi këngën “Kroi i fshatit tonë” dhe Mesut Bajrami, që këndoi këngën “Vajzë me kaçurrela”, kurse vendin e tretë e zunë Rina Kurteshi – “Albulena” dhe Arbër Maliqi – “Këngë bashkimi”.
Ndryshe në Festivalin e Muzikës Popullore “Fest Flaka” kanë qenë 15 këngë konkurruese, ku morën pjesë këngëtarë nga shumë treva shqiptare.
