Gjilan: Kryetari i AAK-së, Nazim Gagica me afaristin nga Gjermania, Ilmi Mustafa kanë shpërndarë pako për familjet në nevojë
Kryetari i AAK-së, dega në Gjilan, Nazim Gagica bashkë me bashkëatdhetarin, afaristin e njohur nga Gjermania, njëkohësisht anëtar i kryesisë së Aleancës në Gjilan, Ilmi Mustafa ka bërë shpërndarjen e disa pakove ushqimore për familjet në nevojë në kuadër të Handikos-it në Gjilan.
“Falëmnderojmë kryetarin e Shoqatës “Handikos” në Gjilan, Fatmir Shurdhani për bashkëpunimin ndër vite, si dhe për punën dhe kontributin e tij për anëtarët e shoqatës dhe familjeve të tyre:, thuhet në njoftimin e AAK-së dega në Gjilan.
Bëhet e ditur se Ilmi Mustafa është një ndër humanistët më të mëdhenjë nga Anamorava që jeton e vepron në Gjermani, e që ka ndihmuar shumë familje edhe përtej kufijve shtetëror.
Secila punë e mirë, ndihmë ndaj tjetrit në çfarëdo forme qofshin ato, duhet të bëhet publike sepse kësisoj senzibilizohen njerëzit dhe motivohen edhe më shumë për ta shtrirë dorën e ndihmës ndaj tjetrit, thuhet në njoftim të AAK-së dega në Gjilan.
“Mbetemi të vendosur të jemi krah qytetarëve çdo herë e pandërprerë. E kemi dëshmuar këtë dhe kësisoj do të vazhdojmë. Në emër të kryetarit Gagica, të kryesisë së AAK-së dhe anëtarësisë së saj në Gjilan, falemnderojmë kolegun tonë, Ilmi Mustafa për kontributin e tij në interes të qytetarëve të Gjilanit dhe mbarë shqiptarëve”, thuhet në njoftimin e degës së AAK-së në Gjilan, adresuar mediave e opinionit të gjërë, tek të cilët solidariteti me skamnorët është prore pjesë e veprimtarise e natyrës së tyre humanitare.
