“50 orë punë në vijën e flakëve” – rrëfimi i zjarrfikësit që luftoi me zjarret në Kamenicë
Kosova është duke u përballur me zjarre dhe një ndër vendet më të prekura është Kamenica.
Vetëm gjatë javës së të fundit janë raportuar mbi 633 raste të zjarreve fushore dhe malore.
Një sakrificë të madhe janë duke e bërë edhe zjarrfikësit e vendit, të cilët po punojnë vazhdimisht në shuarjen e tyre.
Zjarrfikësi Femi Imeri ka ndarë përvojën e tij në përballje me zjarret.
Ai ka thënë se për më shume se 50 orë ka punuar në përpjekje për të shuar flakët dhe se nga kjo ka pësuar edhe lëndime.
“Këto plagë nuk janë dobësi janë medaljet e heshtura të një beteje që pak e shohin, por shumë e ndiejnë.
Uniforma po thahet në diell, plagët po marrin ajër… por shpirti nuk ka nevojë për pushim, derisa rasti të marrë fund.
Sepse misioni ynë nuk është thjesht të shuajmë zjarre — është të ruajmë jetën dhe të mbrojmë tokën që na mban gjallë”, shkroi Imeri në një postim në Facebook.
