25 Vjetori i Karrierës së Balerinit Sinan Kajtazi – “Një rrugëtim i jashtëzakonshëm”
PRISHTINË – Sot shënohet një datë e veçantë për artin dhe kulturën. Balerini i mirënjohur Sinan Kajtazi feston 25 vjet karrierë në Baletin e Kosovës.
“Çerekshekulli në skenë”
Me këtë rast, Sinan Kajtazi ndau me publikun emocionet e tij për këtë përvjetor:
“Sot, çerekshekulli. 25 vjet nga dita e parë në balet. 25 vjet nga fillimi i një rrugëtimi të jashtëzakonshëm. Një rrugëtim për të cilin, sot më shumë se kurrë, ndihem jashtëzakonisht krenar.”
Rrugëtimi i Kajtazit nisi në fund të viteve 90′, në një kohë kur Baleti i Kosovës po ringrihej dhe udhëhiqej nga koreografë të tjerë.
Si balerin i ri, me pasion dhe punë të palodhshme, ai arriti të bëhet një nga figurat më të spikatura të trupës. Gjatë këtyre 25 viteve ka interpretuar role kryesore në vepra klasike dhe bashkëkohore, duke lënë gjurmë të thella në skenën kosovare.
Sot, përveçse balerin, ai është edhe shembull dhe frymëzim për brezat e rinj të valltarëve.
Përkushtim për artin
25 vjet në skenë janë dëshmi e përkushtimit, disiplinës dhe dashurisë për artin e baletit.
#SinanKajtazi #BaletiIKosoves #25Vjetor #Kultura #TVGjilani
