𝐒𝐂 𝐆𝐣𝐢𝐥𝐚𝐧𝐢 𝐔-𝟏𝟕, 𝐤𝐚𝐦𝐩𝐢𝐨𝐧 𝐝𝐢𝐦ë𝐫𝐨𝐫! – Trajneri Selajdin Jerliu: “një mision real drejt Play Off-it nacional për ‘kuqebardhët”
Tetë ndeshje, tetë fitore! 32 gola të realizuar dhe vetëm 12 të pranuar. Me 24 pikë të grumbulluara futbollistët e drejtuar nga Sadulla Ajeti dhe Selajdin Jerliu kanë mbyllur një stinor me shumë sukses.
Kadetët e Gjilanit dimërojnë si kampion në pozitën e parë dhe me shumë shpresë për pranverë.
Trajneri Selajdin Jerliu tha për TV Gjilani se ky është një tjetër mision i kësaj grupmoshe drejt Play Offit Nacional për ‘kuqebardhët’.
“Me një gjeneratë mesatare dhe punë të përkushtuar e të palodhshme nga drejtuesit, si dhe me entusiazëm e vullnet të madh nga ana e futbollistëve të kësaj grupmoshe, Klubi i Futbollit Gjilani U-17 ka arritur të kthehet aty ku e ka vendin, tek synimi parësorë – kreu i tabelës”, ka thënë traneri Selajdin Jerliu.
Ai më tej ka shtuar se edicioni vjeshtor i grupmoshave U-17 të SC Gjilani, është përshkruar me performancë të kënaqshme gjatë tërë rrjedhës.
“Jemi të kënaqur me rezultate e këtij edicioni vjeshtor drejt realizimit parësor, fazës përfundimtare Play – Off-it, i cili mbahet në fund të edicionit, në të cilin SC Gjilani aspiron hyrjen në Superligë për grupmoshat U-17”, ka shtuar Jerliu.
Jerliu është shprehur optimist se ky trend i sukseseve vjeshtore do të vijoj edhe në pranverë, ndërsa ka marrë edhe vlerësimet e Lidhjes Rajonale te Futbollit te Gjilanit.
“Urojmë një tjetër stinor me suksese dhe luftë sportive “, thuhet në urimin e LRFGJ-së.
Kujtojmë që drejtuesit e grupmoshës U-17 të SC Gjilani, janë dy emrat e shquar të futbollit gjilanas, Selajdin Jerliu dhe Sadullah Ajeti.
