Temperaturarat deri në 37°C: Java fillon sërish shumë e nxehtë, të mërkurën eklips i pjesshëm diellor, ndërsa nga e enjtja ulje e temperaturave

Gjatë kësaj jave vendi ynë do të mbetet kryesisht nën ndikimin e kushteve të qëndrueshme atmosferike dhe të masave të nxehta ajrore, ku nga dita e enjte pritet një zbehje e lehtë e tyre.

Si rrjedhojë, moti do të karakterizohet me diell dhe vranësira të pakta lokale gjatë ditës. Megjithatë, të mërkurën mund të paraqitet ndonjë rrebesh i izoluar në perëndim të vendit, veçanërisht në zonat malore.

Të mërkurën, më 12 gusht, do të ndodhë edhe një eklips diellor, i cili nga Kosova do të jetë i dukshëm në formë të pjesshme, por me përqindje të vogël mbulimi. Në Prishtinë, eklipsi do të nisë në orën 19:29, ndërsa maksimumi do të arrihet në orën 19:38, pak para perëndimit të Diellit.

Për një vëzhgim sa më të mirë, rekomandohet të zgjidhet një pikë më e lartë ose një vend me horizont të hapur dhe pamje të lirë drejt perëndim-veriperëndimit (WNW). Në orën 19:41, Dielli do të perëndojë, duke i dhënë fund edhe vëzhgimit të eklipsit nga Prishtina.

Era do të fryjë kryesisht nga drejtimi i verilindjes, e cila herë pas here pritet të jetë mjaft e fuqishme, sidomos të mërkurën, me shpejtësi prej 15 deri në 50 km/h.

Temperaturat minimale do të lëvizin prej 12 deri në 20°C, ndërsa ato maksimale prej 29 deri në 37°C. Vlerat më të larta priten të regjistrohen të martën, ndërsa nga e mërkura pritet një ulje fare e lehtë, për t’u pasuar nga një ulje më e ndjeshme të enjten dhe të premten. /MeteoKosova/