Talenti që po e ngrit Gjilanin në skenën ndërkombëtare: Vajzat e Shkollës së Muzikës mahnitin me sukseset e tyre
Shkolla e Muzikës në Gjilan po vazhdon të dëshmojë se mbetet vatër e talenteve më të mëdha artistike dhe instrumentisteve më të spikatura në vend.
Me interpretimet e tyre brilante dhe sukseset në gara ndërkombëtare, katër nxënëse të talentuara po e përfaqësojnë me krenari shkollën dhe qytetin e Gjilanit në arenën artistike ndërkombëtare:
Orhidea Jakupi – Violinë
Klasa e profesoreshës Njomza Krasniqi
Eni Ademi – Piano
Klasa e profesoreshës Dafina Bajrami
Puhiza Sadiki – Piano
Klasa e profesorit Visar Osmani
Ensa Shala – Piano
Klasa e profesorit Visar Osmani
Me përkushtimin, disiplinën dhe dashurinë ndaj muzikës, këto artiste të reja janë kthyer në simbol të suksesit dhe krenarisë për shkollën e tyre. Performancat e tyre artistike po dëshmojnë nivel të lartë profesionalizmi dhe potencial të jashtëzakonshëm për të ardhmen e muzikës klasike shqiptare.
Sukseset e tyre kanë marrë vëmendje edhe në media kombëtare, ku për këtë arritje është realizuar intervistë edhe nga RTK, duke vlerësuar talentin, punën dhe standardin artistik që kultivohet në Shkollën e Muzikës në Gjilan.
Nga drejtoria dhe stafi i shkollës është shprehur krenari e madhe për vajzat që çdo ditë po e ngritin më lart emrin e institucionit dhe të qytetit të Gjilanit.
Këto vajza të talentuara janë dëshmia më e mirë se arti, puna dhe përkushtimi krijojnë histori suksesi që tejkalojnë kufijtë lokalë dhe prekin skenën ndërkombëtare.
