Shpërthim i frikshëm në Stamboll, digjen pesë vetura

Një zjarr i nisur nga një veturë e parkuar në Fatih, Stamboll ka përhapur panik të madh në vend.

Sipas Sozcu, zjarri fillimisht kishte shpërthyer në një veturë duke u përhapur më pas edhe te katër vetura të tjera. E këto shpërthime zjarri kanë ngjallur momente frike, me përdoruesit e mediave sociale që kanë shpërndarë pamjet, duke i cilësuar si “shpërthim në Fatih”, megjithatë është bërë e ditur se zjarri ishte shkaktuar nga probleme teknike.

Sozcu shkruan se, pas arritjes së policisë në vendngjarje dhe konsultimit me pronarin e veturës nga e cila ka shpërthyer zjarri është konstatuar se nuk ka dyshime për sulm terrorist.

Kujtojmë se dy ditë më parë në Taksim të Stambollit, ndodhi një sulm terrorist që la të vdekur gjashtë persona e më shumë se 80 të tjerë të plagosur.