SHKOLLA “ZENEL HAJDINI” NË GJILAN ORGANIZON LIGJËRATË PËR “NDIHMËN E PARË”
GJILAN, 29 Shtator 2026 – Në shkollën “Zenel Hajdini” në Gjilan u mbajt dje një ligjëratë vetëdijësuese me temën “Ndihma e Parë në shkolla”, në kuadër të aktiviteteve të Klubeve të Kryqit të Kuq në shkolla.
Aktiviteti u zhvillua më 29 shtator 2026 dhe në të morën pjesë rreth 50 nxënës.
Nxënësit e trajnuar prezantuan njohuritë e fituara
Pjesë e ligjëratës u prezantua edhe nga nxënës të shkollës, të cilët janë trajnuar më herët nga Kryqi i Kuq.
Aktiviteti u realizua në bashkëpunim me instruktoren e Ndihmës së Parë, Xhemile Haliti, dhe stafin e degës së Kryqit të Kuq në Gjilan.
Gjatë ligjëratës, nxënësit u njohën me rregullat bazë të ndihmës së parë, hapat që duhen ndërmarrë në raste emergjente në shkollë dhe rëndësinë e reagimit të shpejtë.
Falënderime për organizatorët
Në organizimin dhe mbarëvajtjen e aktivitetit u angazhuan edhe psikologia e shkollës Fatlume Hyseni dhe koordinatorja e shkollës Njomza Hajrullahu, të cilat kujdesën për koordinimin dhe mbikëqyrjen e nxënësve.
Nga drejtoria e shkollës falënderuan të gjithë bashkëpunëtorët dhe nxënësit për angazhimin e tyre. Gjithashtu u falënderua u.d. drejtori i shkollës, Ilir Vokshi, për mbështetjen e vazhdueshme.
“Përmes aktiviteteve të tilla, synojmë t’i aftësojmë të rinjtë që të jenë më të përgatitur për t’i ardhur në ndihmë njëri-tjetrit dhe për të reaguar me përgjegjësi në situata emergjente”, thuhet në njoftimin e shkollës.
