Serbia s’lejon vizitën e Ministrit Xhelal Sveçla në Luginë, reagon Ardiat Sinani
Dje është paralajmëruar një vizitë e Ministrit të Ministrisë së Punëve të Brendshme të Republikës së Kosovës në tri komuna shqiptare në Luginën e Preshevës, Medvegjë, Bujanoc e Preshevë, ndërsa sot bëhet e ditur se vizita nuk është lejuar nga autoritetet e Serbisë, shkruan TV Gjilani.
I menjëhershëm ka qenë reagimi I Ardita Sinanit në rrjete sociale.
“Përderisa po bënim përgatitjet e fundit organizative për mirëpritjen e vizitës së Ministrit të Punëve të Brendshme të Republikës së Kosovës z. Xhelal Sveçla morëm njoftimin se kjo vizitë u refuzua nga autoritetet e Republikës së Serbisë, edhe pse kërkesa nga ana e tyre ishte bërë në përputhje me marrëveshjen në Bruksel.”
“Përveç se Serbia nuk ia lejon shqiptarëve përdorimin zyrtar të simboleve kombëtare dhe një varg të drejtash tjera që i gëzojnë pakicat kudo në botë, sot Beogradi po shpërfaq se i pengon çfarëdo komunikimi dhe ndihme nga Qeveria e Kosovës”, ka shkruar vec tjerash ajo.
Njoftimi I Plotëi Ardita Sinani:
NDALESA E VIZITËS SË MINISTRIT TË PUNËVE TË BRENDSHME TË REPUBIKËS SË KOSOVËS DËSHMON SE SERBIA NUK DO NORMALIZIM TË RAPORTEVE ME REPUBLIKËN E KOSOVËS
Përderisa po bënim përgatitjet e fundit organizative për mirëpritjen e vizitës së Ministrit të Punëve të Brendshme të Republikës së Kosovës z. Xhelal Sveçla
morëm njoftimin se kjo vizitë u refuzua nga autoritetet e Republikës së Serbisë, edhe pse kërkesa nga ana e tyre ishte bërë në përputhje me marrëveshjen në Bruksel.
Përveç se Serbia nuk ia lejon shqiptarëve përdorimin zyrtar të simboleve kombëtare dhe një varg të drejtash tjera që i gëzojnë pakicat kudo në botë, sot Beogradi po shpërfaq se i pengon çfarëdo komunikimi dhe ndihme nga Qeveria e Kosovës.
Rasti i sotëm duhet të jetë këmbanë për autoritetet më të larta ndërkombëtare, sidomos Shtetet e Bashkuara dhe Bashkimin Evropian ndaj çështjes së Luginës së Preshevës.
Serbia ende nuk e ka gadishmërinë për tu përballur me realitetin e as për normalizim të raporteve me Kosovën.
