Rrjeti Panshqiptar në Suedi i drejtohet kryeministrit Rama për mbështetje të emigrantëve shqiptarë në Suedi
Silvana Begaj, aktiviste e devotshme dhe tejet aktive shqiptare në Suedi, ka njoftuar përmes faqes së saj për zhvillimet e fundit që Rrjeti Panshqiptar në Suedi ka zhvilluar.
Aktivistja Begaj ka bërë të ditur se ky rrjet i është drejtuar përmes një letre të hapur institucioneve shqiptare, përfshirë zyrën e kryeministrit Rama, Parlamentit Suedez, si dhe ministrive të punëve të jashtme përkatëse të të dy vendeve, Shqipërisë e Suedisë.
“Kërkesën ia drejtuam: kryeministrit të Shqipërisë, Parlamentit Suedez, Ministrisë së Punëve të Jashtme në Shqipëri, dhe në Suedi, Ministrisë së Migracionit, Ministrisë së Drejtësisë, Komisionit të Politikës së Jashtme – Shqipëri, Nënkomisionit të Diasporës – Shqipëri, Ambasadës Shqiptare në Suedi dhe Ambasadës Suedeze në Tiranë”, ka shkruar ajo.
Akrtivistja Begaj njëherit është shprehur falënderuese ndaj personaliteteve drejtuese të dy ambasadat respektabile paraprakisht.
“Falënderoj përzemërsisht për të gjithë suportin ambasadorin z. Virgjil Kule dhe ish ambasador Elsa Hastad in Albania. Ambasada Suedeze në Tiranë ka pranuar të jetë ndërmjetëse ndërmjet dy qeverive dhe grupeve parlamentare për fillimin e diskutimeve. Nënkomisioni parlamentar i diasporës ka pranuar të na përfaqësojë në këto negociata në mbrojtje të kërkesave tona! Ne do të jemi të angazhuar maksimalisht e do të shfrytëzojmë çdo mundësi. Sigurisht do t’iu mbajmë të informuar për çdo të re”, ka përfunduar aktivistja Begaj.
