Lajmi i fundit: Policia me aksion në Leposaviq, po bastiset një depo e madhe
Policia e Kosovës është duke kontrolluar një depo pranë stacionit policor në Leposaviq.
“Ne po bëjmë bastisje. Për momentin nuk mund të konfirmoj se çfarë është gjetur”, tha për KoSS, zëvendës komandanti i Policisë së Kosovës për rajonin e Veriut, Veton Elshani.
Ai shprehet se kanë marrë informacion, pra se dyshohet se në këtë objekt ka armë.
“Deri më tani nuk kemi gjetur asnjë armë, por kërkimet janë duke vazhduar”, theksoi ai.
Zëvendëskomandanti i Rajonit Verior të Policisë së Kosovës për momentin nuk ka mundur të japë detaje rreth vetë bastisjes, përkatësisht nëse ka lidhje me ndonjë rast tjetër.
