Ramadani thotë se Shqipëria synon rezultat pozitiv në Varshavë
Futbollisti i Kombëtares shqiptare, Ylber Ramadani, ka theksuar se skuadra ka si synim të vetëm rezultatin pozitiv në Varshavë.
Ai ka folur të premtën në një konferencë për shtyp.
“Do të shkojmë në Poloni dhe t’i qasemi ndeshjes nga fillimi me shumë seriozitet dhe duhet të bëjmë maksimumin që të dalim nga Varshava me rezultat pozitiv. Duhet të merremi me detajet e vogla, dhe duhet të jemi të përqëndruar në ato detaje sepse kështu e pësuam edhe në ndeshjen e fundit. Të jemi të përqendruar nga minuta e parë deri tek e fundit. Do të bëj maksimumin për Kombëtaren”, ka thënë ai. ” Ekipi është shumë i mirë, grupi është shumë i mirë, por duhet të marrim më shumë vetëbesim dhe përgjegjësi secili dhe besoj se ky do të jetë suksesi për të ardhmen”.
Ndeshja me Poloninë është e para e Shqipërisë në kuadër të kualifikimeve për Euro 2024.
