Dheu i Bardhë: Arrestohet një person pasi tentoi të largohej pa përfillur urdhrin e policisë
Një person është arrestuar pasi dyshohet se ka tentuar të largohet me veturë duke mos përfillur urdhrin e zyrtarit policor në Pikën e Kalimit Kufitar në Dheu të Bardhë, më 12 mars 2026.
Sipas Policisë, gjatë arrestimit i dyshuari ka rezistuar, me ç’rast ka pësuar edhe lëndime trupore. Atij i është ofruar tretman mjekësor.
Lidhur me rastin, Policia ka iniciuar procedurë për veprën penale “Mospërfillje e urdhrave të ligjshëm”.
Me vendim të prokurorit, i dyshuari është liruar në procedurë të rregullt.
