Takim për lehtësimin e procedurave për qytetarët e Luginës së Preshevës
Koordinatori i Zyrës për Preshevë, Medvegjë dhe Bujanoc në Komunën e Gjilanit, Enver Haziri, ka takuar drejtoreshën e Administratës së Përgjithshme të Komunës së Kamenicës, Arlindë Sejdiu, shkruan TV Gjilani.
Në takim është diskutuar për forcimin e bashkëpunimit institucional, si dhe për krijimin e lehtësirave në procedurat administrative për qytetarët e Luginës së Preshevës në procesin e fitimit të shtetësisë së Republika e Kosovës.
Gjithashtu u theksua rëndësia e koordinimit ndërinstitucional për t’ua mundësuar qytetarëve të Luginës qasje më të lehtë dhe më të shpejtë në procedurat përkatëse.
Z. Haziri enkas për TV Gjilani vuri në dukje që pas një angazhimi të vazhdueshëm, tanimë është arritur që persona nga Lugina që jetojnë e veprojnë në Gjilan dhe komuna tjera të Anamoravës, adresat e të cilëve figurojnë të pasivizuara në vendin e tyre të origjinës, si dhe ata që nuk kanë fare dokumenta të Serbisë e as të Republikës së Kosovës, tashmë pothuajse janë pajisur me lejeqëndrim të përhershme në Republikën e Kosovës.
“Këto të arritura janë rrjedhojë e punës sistematike dhe angazhimit të vzhdueshëm, veçmas gjatë viteve të fundit nga Zyra për Preshevë, Medvegjë e Bujanoc, si dhe angazhimit institucional në nivel qëndrorë e atëlokal”, tha Haziri.
Sipas z. Haziri, angazhimet e institucionit që drejton në këtë drejtom, do të vazhdojnë me intensive të shtuar deri në zgjidhjen përfundintare të problemeve, derisa të gjithë qytetarët nga Lugina që jetojnë në Kosovë, të marrin shtetësinë e Republikës së Kosovës.
