Gjilan: Drejtoresha Kadriu pret zyrtaret e Rrjetit të Grave të Kosovës, synohet forcimi i mekanizmave kundër dhunës me bazë gjinore
Drejtoresha për Shëndetësi dhe Mirëqenie Sociale, Mimoza Kadriu Qerimi, së bashku me zyrtaren për Barazi Gjinore, Lindita Salihu, kanë pritur në takim drejtoreshën e programit për Adresimin e Dhunës me Bazë Gjinore në Rrjetin e Grave të Kosovës, Adelina Berisha, si dhe zyrtaren e programit, Besarta Breznica.
Temë e takimit ishte thellimi i bashkëpunimit dhe forcimi i mekanizmave lokalë për adresimin e dhunës në familje dhe asaj me bazë gjinore.
Gjatë bisedës, të dyja palët theksuan rëndësinë e koordinimit ndërinstitucional dhe mbështetjes së vazhdueshme për mekanizmat ekzistues që punojnë në mbrojtjen e viktimave dhe në parandalimin e dhunës.
Ky aktivitet u realizua në kuadër të projektit “Rritja e kapaciteteve dhe mekanizmave për adresimin e dhunës me bazë gjinore”, i cili zbatohet në partneritet me Institutin e Menaxhimit Lindje-Perëndim (East-West Management Institute – EWMI) dhe synon të mbështesë institucionet lokale në forcimin e mekanizmave koordinues dhe në përmirësimin e përgjigjes institucionale ndaj dhunës me bazë gjinore.
