Radio Energji shwnon 25 Vjetorin e Themelimit!
Më 20 maj janë mbushur plotë 25 vjet nga themelimi I mediumit “Radio Energji+ në Gjilan, shkruan Tv Gjilani.
Kjo dritare informative për një cerek shekulli ka shërbyer qytetarët e Gjilanit, gjegjëissht dëgjuesi e saj me informacione të vazhdueshme, për t’i mbajtur të informuar me korrektësi e përgjegjësi profesionale.
Përvec shtyllës së informimit, “Radio Energji” ka qenë e fokusuar edhe në pjesën kulturore-artistike-zbavitëse, me focus në artin muzikorë, duke argëtuar pandërpre dëgjuesit e saj, me muzikë të përzgjedhur me kujdes e delikatesë, madje të të gjitha llojeve dhe për të gjitha shtresat, gjeneratat e kategoritë, sikurse që ishte e fonkusuar edhe në ofrimin e temave të larmishme, të prodhuara në vazhdimësi, në kuadër të debateve dhe prezantimeve të hapura përmes valëve me dëgjuesit e saj besnikë.
“E shtunë, 20 maj 2000, ora 15:00. Si të rinj, plot ëndrra dhe pasion, e nisëm bashkë një rrugëtim të mbushur me entuziazëm dhe 100% energji pozitive. U rritëm, u formësuam, u profesionalizuam, falë teje. Si dëgjues, si partner, si koleg, si mbështetës, çdo ditë, në çdo orë, na dhe besimin tënd pa kushte. Dhe neve na obligove që këtë besim ta kthejmë me përkushtim, profesionalizëm e dashuri”, shkruan faqja zyrtare e “Radio Energi”, duke iu drejtuar në shenjë falënderimi publikut të gjërë.
“Rrugëtuam bashkë si miq të vërtetë, krah për krah, në të mira e në sfida. Na qëndrove afër dhe e bëre çdo pengesë më të lehtë, çdo sfidë të kapërcyeshme. “Radio Energji” është thellësisht mirënjohëse për këto 25-vite dhe të premton se ky rrugëtim vazhdon, bashkë me ty, me dashuri, përkushtim dhe energjinë më pozitive që kemi”, vijon më tej postimi falënderues i “Radio Energji” në faqen e saj, duke iu dedikuar e atribuar dëgjuesëve të saj besnikë në shënimin e një cerek shekulli të veprimtarisë së saj.
Në fund, Po aty, “Radio Energji” thekson se që nga nisma e saj si medium, ishte e motivuar dhe me 100% energji pozitive, ndërsa sot vazhdon të dëgjohet me “zë të lartë, nënvizohet në këtë dedikim drejtuar dëgjuesve të saj besnik, në shenjë mirënjohje e falënderimi për besimin që këta të fundit kanë pasur ndër vite e dekada.
