Preshevë: U mbajt Konferencë shkencore me temë: “Personalitete dhe figura me vlera shkencore e kulturore shqiptare nga Lugina …”
Në Preshevë më datën 25 dhe 26 tetor u mbajtë Konferencë shkencore e organizuar nga Shoqata pēr Trashëgimi dhe Krijimtari Kulturore në Preshevë, me temë: “Personalitete dhe figura me vlera shkencore e kulturore shqiptare nga Lugina e Preshevës dhe viset e tjera shqiptare” .
Në këtë konferencë u promovua identiteti e kultura, iniciativat për forcimin e trashëgimnisë kombëtare, u evidentuan figurat e studiuesit elitarë të albanologjisë e etnoarkeologjisë shqiptare, personalitetet nga gjithë viset shqiptare në fushat e letërsisë, folklorit, si dhe figurat e shquara të gjuhësisë e kulturës në përgjithësi
Në Konferencën morën pjesë me kumtesa shkencore, studiues e akademikë të shquar si dhe profesorë të Universiteteve, jo vetëm nga krahina që përfshinë Preshevën, Medvegjën e Bujanocin por edhe nga Shqipëria, Kosova, Maqedonia e Veriut e nga hapësira tjera dhe diaspora.
Gjatë gjithë kohës së mbajtjesë së kumtesave sa zgjati konferenca dy ditë me radhë, atë e nderuan me presence edhe Ambasadori i Republikës së Shqipërisë në Republikën e Serbisë, z. Bardhyl Canaj, Ambasador-Shefi i Zyrës Ndërlidhëse të Shtetit të Kosovës në Serbi z. Jetish Jashari, Kryetari i Këshillit Nacional të Shqiptarëvë Enkel Rexhepi dhe Kryetarja e Preshevës Ardita Sinani.
Konferenca u cilësua një ngjarje e veçantë që mblodhi studiues e krijues nga mbarë hapësira shqiptare për të ndriçuar kontributin e atyre që me dije e përkushtim i dhanë dritë kulturës dhe identitetit tonë kombëtar.
Xhemaledin Salihu, Kryetar i Shoqatës pēr Trashëgimi dhe Krijimtari Kulturore në Preshevë, së bashku me Kryetarin e Kuvendit të kësaj shoqate ,Shpejtim Memishi, përmes këtij aktivitet po vazhdojnë të kontribuojnë duke e mbajtur me punën e tyre gjallë trashëgiminë dhe shpirtin e kësaj krahine shqiptare, si dhe duke tubuar jo vetëm studiues, akademikë e profesorë të universiteteve nga gjithë hapësirat tona shqiptare e diasporës, por edhe përfaqësues diplomatikë e institucional nga hamësira shqiptare.
Mr. Refik Hasani
