Drejtoria e Inspekcionit në Gjilan uron kolegen Minivere Haziri për pensionimin
Në shenjë respekti për përfundimin e karrierës së saj profesionale, drejtori i Drejtorisë së Inspekcionit në Gjilan, Isa Agushi, së bashku me stafin e drejtorisë, organizoi një iftar për të shënuar pensionimin e koleges Minivere Haziri.
Takimi ishte një moment i vecantw kolegjial ku stafi i drejtorisë u mblodh për të nderuar kontributin e gjatë dhe të përkushtuar të zonjws Haziri. Kolegët shprehën mirënjohje për angazhimin e saj, duke theksuar profesionalizmin dhe bashkëpunimin gjatë viteve të punës në institucion.
Nga Urimet e shpërndara kolegiale, përfshirë ato në rrjetet sociale, u theksua se pensionimi i saj përkon me 65-vjetorin e lindjes, duke e bërë këtë një ngjarje veçanërisht simbolike dhe të veçantë për stafin.
Në përfundim të iftarit, kolegët i uruan znj. Haziri shëndet, jetë të gjatë dhe shumë suksese në kapitullin e ri të jetës, duke e falënderuar për vitet e shumta të përkushtimit dhe kontributit në Drejtorinë e Inspekcionit.
