PËRFUNDON KOLONIA “LUGINA ART 3” – AVNI BEHLULI: LUGINA ME ZEMËR TË MADHE
LUGINË E PRESHEVËS, 29 Shtator 2026 – Me hapjen e ekspozitës ka përfunduar kolonia artistike “Lugina Art 3”, e cila bashkoi artistë nga Lugina, Kosova dhe Maqedonia e Veriut.
Lajmin e bëri të ditur skulptori i njohur Avni Behluli, i cili falënderoi organizatorët për punën dhe mikpritjen.
“Misioni i artistëve është lidhja e urave të bashkëpunimit”
Behluli theksoi se në këtë koloni artistët shkëmbyen debate e përvoja në aspektin profesional e kulturor.
“Në këtë koloni artistët nga Lugina, Kosova e Maqedonia e Veriut, shkëmbyen debate e përvoja në aspektin profesional e kulturor. Ky aktivitet ishte më tepër se koloni arti, nga se misioni i artistëve është lidhja e urave të bashkëpunimit dhe ngritja e sensibilizimit të artit tek qytetarët dhe artdashësit”, shkroi ai.
Falënderime për organizatorët
Skulptori shprehu mirënjohje për *Nexhat Boriqin, Leneta Avdylin, Shqiprim Fejzullahun dhe Bukurije Boriqin*, për organizimin e shkëlqyer.
“Falënderoj organizatorët: Nexhat Boriqi, Leneta Avdyli, Shqiprim Fejzullahu e Bukurije Boriqi, të cilët kanë bërë një organizim të shkëlqyer” tha Behluli.
Ai uroi që ky bashkëpunim të ngrihet në nivel edhe më të lartë dhe të mbështetet financiarisht nga institucionet lokale dhe nga dy shtetet shqiptare.
“Uroj që ky bashkëpunim të ngrihet në nivel edhe më të lartë, kuptohet të mbështetet financiarisht nga institucionet lokale dhe nga dy shtete shqiptare, ndërsa organizatorëve suksese edhe më të mëdha në të ardhmen!”, përfundoi Avni Behluli
