Nxënësit e Shkollës “Musa Zajmi” dallohen në Olimpiadën e Gjuhës Shqipe, sigurojnë kualifikimin në nivel shtetëror
Nxënësit e Shkollës “Musa Zajmi” në Gjilan janë dalluar në garat komunale të Olimpiadës së Gjuhës Shqipe, duke arritur një sukses të rëndësishëm dhe duke u renditur ndër më të mirët. Tre prej tyre kanë siguruar kualifikimin për në fazën shtetërore të kësaj gare.
Olimpiada në nivel shtetëror do të mbahet më 9 maj në Prishtinë, ku këta nxënës do të përfaqësojnë me dinjitet jo vetëm shkollën e tyre, por edhe komunën e Gjilanit.
Ky rezultat vjen si fryt i përkushtimit të vazhdueshëm të nxënësve dhe angazhimit profesional të mësimdhënësve, të cilët kanë punuar me përkushtim për zhvillimin e aftësive gjuhësore dhe kultivimin e dashurisë për gjuhën shqipe.
Shkolla “Musa Zajmi” vazhdon të dëshmojë nivel të lartë në arsim, duke nxjerrë në pah talentin dhe potencialin e nxënësve të saj në gara të rëndësishme arsimore.
