Rektori i Universitetit Publik “Kadri Zeka” priti ne takim Drejtorin Rajonal të Policisë në Gjilan
Rreth 30 studentë të vitit të parë të Fakultetit të Edukimit, programi Parashkollor në Universitetin Publik “Kadri Zeka” në Gjilan, kanë filluar për herë të parë realizimin e mësimit praktik në institucionet parashkollore me qëllim të formimit të tyre profesional.
Ky aktivitet përbën një lidhje të drejtpërdrejtë mes njohurive teorike të fituara në Universitet dhe aplikimit të tyre në praktikë, në punën konkrete me fëmijët e moshës parashkollore. Përmes këtij procesi, studentet do të kenë mundësi të zhvillojnë aftësitë pedagogjike, komunikimin profesional, kreativitetin dhe përgatitjen e aktiviteteve edukative në kushte reale të punës.
Mësimi praktik do të zgjasë gjithsej pesë javë, me nga dy ditë në javë, duke konsideruar një fazë e rëndësishme për përgatitjen e kuadrove të reja në fushën e edukimit të hershëm.
Zyrtari për Mësim në Universitetin Publik “Kadri Zeka”, Xhevat Bekteshi, theksoi rëndësinë e këtij hapi, duke vlerësuar se praktika në terren është një komponent kyç për formimin e mësimdhënësve të ardhshëm dhe për ngritjen e cilësisë në edukimin parashkollor. Sipas tij, ky proces kontribuon drejtpërdrejt në përgatitjen profesionale të studenteve dhe në forcimin e bashkëpunimit me institucionet parashkollore.
Nga ana tjetër, është vlerësuar lart bashkëpunimi i institucioneve parashkollore në Gjilan, të cilat po ofrojnë mbështetje të plotë në mentorimin dhe udhëheqjen e studenteve gjatë kësaj periudhe praktike.
Fakulteti i Edukimit ka uruar suksese të gjitha studenteve në këtë fazë të rëndësishme të formimit të tyre, duke theksuar se investimi në praktikën profesionale është një investim i drejtpërdrejtë në cilësinë e edukimit të hershëm dhe në të ardhmen e fëmijëve.
