Një qershori dita ndërkombëtare e fëmijëve
Gjilan, 01 Qershor 2023 – Drejtoria rajonale e Policisë Gjilan, në vazhdën e implementimit të detyrave në kuadër të strategjisë së integruar e policimit në bashkësi ka pritur në drejtorinë rajonale si dhe në stacionin policor në Gjilan, për nder të ditës ndërkombëtare të fëmijëve, 1 qershori, nxënës dhe arsimtar të shkollës ‘’Thimi Mitko’’ – Gjilan, fëmijë nga asambleja komunale e fëmijëve, si dhe fëmijë nga qendra e kujdesit ditor me nevoja të veçanta.
Fëmijët nga ana e drejtorit rajonal, Kolonel Agron Rukiqi si dhe eprorë të tjerë janë njoftuar me ambientet policore si dhe me punën, detyrat dhe angazhimet ditore të Policisë së Kosovës.
Interesimi i nxënësve për punën e policisë ka qenë mjaft i madh, nxënësit kanë qenë të inkuadruar në bashkëbisedim për mundësinë e ndikimit në parandalim e çfarë do dukurie negative në mesin e shkollave të tyre.
Policia e Kosovës punon dhe vepron për një ambient të qetë dhe të sigurt për të gjithë qytetarët.
Me respekt, Toger Ismet Hashani
