Ngjarjet e datës 11 nëntor 2025
Ngjarjet që janë paralajmëruar të mbahen sot, më datë 11 nëntor 2025
Vazhdon procesi gjyqësor në rastin Thaçi dhe të tjerët. (Hagë, ora 09:00-16:30)
EULEX në bashkëpunim me Shoqatën e Grave në Policinë e Kosovës, organizon forum diskutimi me temën “Nga Rezoluta në veprim: 25 vjet nga kur gratë transformojnë paqen dhe sigurinë në Kosovë”. Marrin pjesë Vjosa Osmani, presidente e Kosovës, Giovanni Pietro Barbano, Shef i Misionit EULEX, Gazmend Hoxha, drejtor i Përgjithshëm i Policisë së Kosovës. (Hotel “Emerald”, Prishtinë, ora 09:00).
Mbahet dita e dytë e Round of Peer Reviews for the Western Balkans, Türkiye and ENP East countries organizuar nga Eurostat dhe Agjencia e Statistikave të Kosovës. (KAS Premise rruga “Zenel Salihu” numër 4, Prishtinë, ora 09:00-17:35)
Autoriteti i Konkurrencës së Kosovës mban konferencë me rastin e Ditës së Konkurrencës. (Hotel “Sirius”, Prishtinë, ora 09:15-13:00)
Instituti Albanologjik organizon tryezën shkencore “Bajram Krasniqi, 35-vjetori i vdekjes”. (Salla shkencore e Institutit Albanologjik, Prishtinë, ora 11:00)
