Në Merdare dhe te Dheu i Bardh pritjet deri në dy orë
Qendra Kombëtare për Menaxhim Kufitar ka njoftuar se pikat kufitare të Kosovës vazhdojnë të kenë qarkullim të madh.
Sipas njoftimit, kolona ka në hyrjet e në daljet e disa pikave kufitare. Në hyrje të pikës kufitare “Dheu i Bardhë”, pritja është 120 minuta, në dalje 15 minuta, kurse kolona në hyrje është 600 metra e në dalje 150 metra.
Ndërsa në pikën e Muçibabës pritja në hyrje është 20-30 minuta e në dalje 05-10 minuta, kolona në hyrje është 50 metra.
Në Merdare pritja është 120 minuta ose dy orë, në dalje 03-05 minuta, kolona në hyrje të Merdarës është 500 metra kurse në dalje nuk ka kolonë. Në disa pikat tjera pritjet janë 3 deri 5 minuta.
