Ndërron jetë Bujar Ramadani – “Lalushi”; FC Kika i bën dedikim për kontributin e tij në fanellën e klubit

Një lajm i rëndë ka tronditur sot botën e futbollit në Gjilan dhe mbarë Anamoravën. Ka ndërruar jetë ish-futbollisti i njohur gjilanas, Bujar Ramadani, i njohur ndryshe si “Lalushi”, një emër i respektuar i futbollit të viteve të 80-ta.

I lindur më 19 maj 1965, Lalushi ishte pjesë e brezit të njohur të futbollistëve lokalë, duke lënë gjurmë me paraqitjet e tij për KF Drita dhe FC Kika, ku luajti për një periudhë të gjatë, madje edhe pas luftës. Ai ishte aktiv në futboll për shumë vite, duke treguar përkushtim dhe dashuri të veçantë për sportin dhe komunitetin lokal.

📝 Postimi i FC Kika:

“Ka ndërruar jetë ish-futbollisti i klubit tonë, i cili ishte pjesë e klubit në vitet 1995-1996.
Klubi Kika i shpreh ngushëllimet më të sinqerta familjes Ramadani.
I paharruar kujtimi i tij.”

Familja e futbollit gjilanas dhe komuniteti sportiv mbeten të bashkuar në dhimbjen për humbjen e një prej emrave më të respektuar të futbollit lokal.

🕯️ U prehtë në paqe, Lalushi.

LEXO EDHE:

Lajm i trishtë për futbollin gjilanas – ndërron jetë ish-futbollisti Bujar Ramadani “Lalushi”