LDK e PDK mbajtën tubimin përmbyllës në Gjilan – apeluan bashkërisht për dalje masive në zgjedhje
LDK dhe PDK, kanë mbajtur tubimin e përbashkët në mbyllje të fushatës së balotazhit në Teatrin e Qytetit në Gjilan, para aderuesve e simpatizantëve të shumtë të të dy taborreve të shkrira në një pas marrëveshjes që i ka parapri për koalicion zgjehdor në balotazh.
Arbër Ismajli, kandidat i LDK-së për kryetar nga LDK dhe Riad Rashiti i PDK-së, kanë apeluar bashkërisht për dalje sa më masive në zgjedhje të bindur në fitore.
Ndërsa kreu i degës së LDK-së në Gjilan, Lutfi Haziri, i cili njëherit ka drejtuar fushatën dhe rrjedhën e ngjarjes, është shprehur i kënaqur me ecurinë e saj, përfshirë tubimin përmbyllës në Teatrin e Qytetit në Gjilan.
“Në tubimin e sontëm përmbyllës, ndihem i përmbushur me gjithë fushatën që e kemi bërë, me pritjen e ngrohtë në çdo takim e konak dhe për krejt dashninë që ia keni dhënë Arbërit”, ka thënë vec tjerash Haziri.
