Kurti për rastin e Arlindës: MPB-ja dhe Ministria e Drejtësisë, veç edhe 54 orë afat për ta sjellë raportin
Kryeministri Albin Kurti, gjatë ceremonisë së përurimit të Njësisë Koronare në Klinikën e Kardiologjisë, ka folur rreth vrasjes së Arlinda Zekajt nga ish-kunati i saj, të dielën mbrëma në shtëpinë e saj në Vitomiricë të Pejës.
Ai deklaroi se Ministria e Punëve të Brendshme dhe Ministria e Drejtësisë, sipas tij, kanë veç edhe 54 orë afat për t’ia dorëzuar raportin për të ndriçuar gjithë këtë rast.
“Drejtësinë nuk e kemi të drejtë, për të mos thënë që drejtësinë e kemi të shtrembër. Kemi nevojë ta drejtojmë drejtësinë. Kjo do të thotë hetim hetuesve, aktakuza prokurorëve.
Në këtë frymë, Ministria e Punëve të Brendshme dhe Ministria e Drejtësisë i kanë edhe 54 orë që të ma sjellin raportin për të ndriçuar këtë rast deri në fund, edhe ku kanë dështuar secila prej hallkave të zinxhirit institucional, por edhe çka po ndodh me të gjitha rastet e ngjashme, sepse ju e dini që ka shumë raste anë e mban Kosovës ku gra të caktuara, të cilat janë viktima të dhunës, vazhdojnë të jenë në rrezikun e kërcënuesve, të vjetër e të rinj”, u shpreh ai.
