Kosova sot përballet me Çekinë nga ora 16:00
Kombëtarja e Kosovës rikthehet sot në aksion, teksa nga ora 16:00 zhvillon ndeshjen miqësore ndaj Çekisë në Pragë.
Për “Dardanët”, kjo do të jetë sfida e parë e grumbullimit të muajit qershor dhe një mundësi e mirë për të testuar formën e ekipit nën drejtimin e trajnerit Franco Foda.
Kosova dhe Çekia janë përballur dy herë deri më tani. Në vitin 2019, Kosova triumfoi 2:1 në stadiumin “Fadil Vokrri”, ndërsa çekët fituan me të njëjtin rezultat në Pragë.
Ndeshja e sotme do të jetë përballja e tretë mes dy kombëtareve, me bilanc të barabartë nga një fitore për secilën palë.
