Komuna e Gjilanit subvencionon nënat lehona, nxitë natalitetin
Me qëllim të mbështetjes së nënave lehona, Komuna e Gjilanit ka vendosur t’i subvencionoj ato me nga 100 € për çdo lindje – deri në lindjen e tretë, ndërsa për lindjen e fëmiut të katërt do t’i mbështesë me nga 400€, kurse për lidnjen e fëmiut të pestë me nga 500 €.
Por kjo nuk do jetë e tëra pasi pas lindjes së fëmiut të pestë e tutje Komuna e Gjilanit do t’i mbështesë lehonat me nga 500 euro plus 100 të tjera, sipas vendimit të Kuvendit të Komunës së Gjilanit me nr. 01/016 – 42275, të datës, 27 prill 2023.
Thirrja Publike dhe kriteret për t’u kualifikuar:
Nëna duhet të jetë banore e përhershme e Komunës së Gjilanit; fëmija duhet të jetë i lindur nga data 01.05.2023 deri në ditën e aplikimit; si dhe fëmija duhet të jetë i lindur brenda territorit të Kosovës (në spital publik apo privat, në Gjilan apo qytet tjetër, por jo jashtë shtetit), shkruan faqja e Komunës së Gjilanit duke iu referuar këtij vendimi.
përmes njoftimit bëhen të ditura edhe dokumentet e nevojshme të cilat nënat lehona duhet t’i kompletojnë për të përftuar nga kjo Thirrje Publike, edhe atë:
⦁ kopje të dokumentit identifikues (për të dy prindërit);
⦁ ekstrakti i lindjes së fëmijës;
⦁ certifikata e gjendjes familjare;
⦁ nëse prindërit janë të kurorëzuar, kërkohet certifikata e kurorëzimit – nëse jo, ekstraktet e prindërve;
⦁ vërtetim mbi vendbanimin e përhershëm;
⦁ konfirmimin e xhirollogarisë bankare aktive të aplikueses në njërën prej bankave të licencuara nga Banka Qendrore e Kosovës (njëri nga prindërit)
⦁ Aplikimi të bëhet përmes dorëzimit të kërkesës në QSHQ;
Aplikacionet do të shqyrtohen për lindjet e reja nga muaji Maj deri në fund të vitit 2023.
Vërejtje:
⦁ dokumentet duhet të dorëzohen në origjinal, përveç dokumenteve të identifikimit,
⦁ aplikueset që nuk e dorëzojnë njërin nga dokumentet e cekura më lartë diskualifikohen nga përfitimi!
