Komandanti i Regjimentit të Parë të Këmbësorisë së FSK-së, nënkolonel Avdyli, i ndanë mirënjohje, kryetarit Hyseni

Komandanti i Regjimentit të Parë të Këmbësorisë së Forcës së Sigurisë së Kosovës, nënkolonel Arben Avdyli ka vizituar kryetarin e Komunës së Gjilanit, Alban Hysenin, të cilit i ka ndarë mirënjohje në shenjë falënderimi për bashkëpunimin ndërmjet institucioneve.

Kryetari i Komunës së Gjilanit, tha se pranoi me nder të veçantë mirënjohje nga komandanti i Regjimentit të Parë të Këmbësorisë së Forcës së Sigurisë së Kosovës, për bashkëpunimin dhe përkrahjen e vazhdueshme ndërmjet Komunës së Gjilanit dhe Forcës së Sigurisë së Kosovës.

“Ndihem i privilegjuar për këtë mirënjohje, që është dëshmi e besimit dhe respektit të ndërsjellë mes dy institucioneve tona”, tha Alban Hyseni.

I pari i Komunës së Gjilanit, theksoi se bashkëpunimin me ushtrinë tonë do të vazhdojnë ta kenë gjithmonë në nivelin më të lartë.