Hyseni: Klubi i Volejbollit “Drita” ka thyer tashmë të gjitha rekordet
Kryetari i Komunës së Gjilanit, Alban Hyseni, bashkë me drejtorin për Sport Kushtrim Zeqirin, kanë pritur kampionet e volejbollit të Kosovës, (KV Drita – femrat), të udhëhequra nga kryetrajneri, Lorik Ilazi.
I pari i Gjilanit uroi kampionet e Kosovës 2023/2024, fitueset e kupës se Kosovës per edicionin 2023/2024.
Sipas Aban Hysenit, këta janë titujt vetëm për vitin 2023/24 të Klubit të Volejbollit Drita.
“Klubi i Volejbollit Drita, vajzat e qytetit, janë krenaria jonë. Ato po sjellin tituj vit pas viti, pa rreshtur, pa u ndalur”, tha kryetari Hyseni.
Më tej ai shtoi se nën udhëheqjen e Lorik Ilazit, mjeshtrit të jashtëzakonshëm sportiv, KV Drita ka thyer tashmë të gjitha rekordet.
“Vitet e fundit, që nga qeverisja jonë, mbështetja financiare për sportin është rekorde, sidomos për vajzat kampione”. Kjo mbështetje do të vazhdoj, pa ndërprerë dhe duke u shtuar”, tha kryetari Hyseni.
