Hamza: PDK e ka ruajtur votën e vetë – pozita i ka përgjegjësitë e veta, s’jam prej atyre që fshihem
Kryetari i PDK-së, Bedri Hamza në konferencë për media ka thënë se partia që ai drejton e ka ruajtur votën. Ai theksoi se edhe pozita që mbart i ka përgjegjësitë e veta dhe se nuk është atyre që fshihet nga rezultati i dalë nga këto zgjedhje.
“Unë kam pritur rezultat më të mirë. PDK ka arritur me rujt votën e vetë, me rujt elektoratin e vet. Pozita i ka edhe përgjegjësitë e veta, sigurisht unë nuk jam prej atyre që fshehem. Këto ditë do të kemi takime me strukturat e PDK-së, vendimet i marrë në kohë të peshuara mirë, dhe nuk vonohem ne veendimarrje”
“Puna vazhdon, mjaftueshëm kemi pas bllokada dhe secili ta kryej punën e vet, edhe partitë që kanë fituar dhe ne që mund të jemi në opozitë.”, tha Hamza.
Lidhur me marrëveshjet ndërkombëtare, Hamza theksoi se PDK-ja e ka dhënë kontributin e vet edhe në të kaluarën për gjithçka që është në interes të Kosovës.
Sa i përket çështjes së Presidentit, Hamza tha se ky është një proces i ndarë dhe beson se kur t’i vijë koha do të gjindet një formulë që të mos bllokohet vendi.
“Gjithçka që është në interes të Kosovës, PDK e jep kontributin e vet. Sa i përket marrëveshjeve ndërkombëtare edhe në të kaluarën i kemi votuar. Sa i përket çështjes së presidentit, unë e kam thënë që është proces i ndarë. Unë pres që të konstituohet Kuvendi, të formohet qeveria, të vazhdojë puna dhe kur vjen puna te presidenti besoj se ka mundësi të gjendet një formulë se si të zgjidhjet presidenti dhe të mos bllokohet vendi”, deklaroi Hamza.
Rreth një largimi të mundshëm nga posti i kryetarit pas rezultatit nga zgjedhjet e 28 dhjetorit, Hamza tha se PDK e ka ruajtur votën e vet si në % poashtu edhe si numër, ndërsa theksoi që pozita si Kryetar ka përgjegjësi dhe nuk i shmanget një gjëje të tillë, por vendimet i merrë me kohë duke analizuar çdo gjë.
“PDK e ka rujt votën e vet, edhe si % edhe si numër të votave. Ndërsa sa i përket dorëheqjes, e thash që pozita ka edhe përgjegjësi, dhe unë nuk jam person që i jam shmang përgjegjësisë, por vendimet i marrë në kohë”, tha Kryetari i PDK-së.
