Fantastik Muja | Futbollisti kosovar shënon të parin në kampionatin belg
Futbollisti nga Kosova, Arbnor Muja ka nisur në formë të mrekullueshme pjesën e dytë të sezonit në kampionatin belg. Ai arriti të shënojë edhe golin e parë në këtë kampionat. Një gol i tillë erdhi në sfidën e sotme kundër Oostende.
Në minutën e 11-të ai mjaft mirë e lexoi rrjedhën e aksionit, kur Balikwisha e gjeti me një pasim tokazi në shtyllën e dytë. Sulmuesi kosovar nga afërsia nuk gaboi dhe e dërgoi topin në rrjetë për 0:1, shkruan LIG Sport.
Gol ky që ishte i pari në këtë edicion të kampionatit belg, por jo edhe i pari në tërësi me Antwerpin, pasi një e ka shënuar në Kupë ndaj St. Liege.
