E DHEMBSHME / NDËRRON JETË NË MOSHËN 21-VJEÇARE I RIU NGA GJILANI, LEART MALIQI
Familja: “Më i dashuri ynë na la nga një sulm kardiak”
Një lajm i hidhur ka prekur familjen Maliqi nga Gjilani dhe të gjithë të njohurit e tyre.
Në Gjermani ka ndërruar jetë në mënyrë të papritur i riu, Leart Zijadin Maliqi, në moshën vetëm 21-vjeçare, si pasojë e një sulmi kardiak.
Lajmin e trishtë e kanë bërë të ditur familjarët e të ndjerit përmes një njoftimi mortor:
“Të Zotit jemi dhe tek Ai do të kthehemi! Mbrëmë në orët e natës, nga një sulm kardiak, ndërroi jetë më i dashuri ynë Leart Zijadin Maliqi, në moshën 21-vjeçare.”
Familja ka njoftuar se ceremonia e varrimit të ndjerit do të bëhet ditën e enjte, më 8 tetor 2026, me kohën e ikindisë, rreth orës 16:00, në varrezat e fshatit Kokaj.
“Me shumë respekt e dashuri për të gjithë ju që keni ndarë e po e ndani dhimbjen me ne. Zoti ju shpërbleftë”, përmbyllin njoftimin familjarët.
Ngushëllime të sinqerta familjes Maliqi!
