Begaj uron papën Leone XIV: Urime katolikëve shqiptarë dhe katolikëve në mbarë botën
Presidenti i Republikës së Shqipërisë, Bajram Begaj uroi sot besimtarët katolikë për zgjedhjen e Papës së ri.
”Urime katolikëve shqiptarë dhe atyre të gjithë botës për zgjedhjen e Papës së ri!” shkroi Presidenti Begaj në profilin e tij zyrtar në llogaritë sociale në platformën X dhe facebook.
”Shpreh bindjen, – vlerësoi Presidenti i Republikës, – se Ati i Shenjtë, Papa Leoni XIV, do të kontribuojë me gjithë fuqinë dhe autoritetin e tij në shërbim të kauzës sublime të forcimit të klimës së bashkëjetesës paqësore të të gjitha besimeve.”
Në emër të shqiptarëve Presidenti Begaj uroi që papa Leone XIV të jetë nën mbrojtjen e Zotit për realizimin e misionit të tij të shenjtë në krye të Vatikanit.
Kardinali Robert Francis Prevost u zgjodh sot papë, me emrin Leone XIV./atsh
Congratulations to Albanian Catholics and Catholics around the world on the election of the new Pope!
— Bajram Begaj (@BajramBegajAL) May 8, 2025
I am confident that His Holiness, Pope Leo XIV, will dedicate his strength and moral authority to the noble cause of promoting peaceful coexistence among all faiths.
On behalf… pic.twitter.com/F1JkTgvwUv
