Armend Thaqi vazhdon me SC Gjilanin, rinovon kontratën deri në vitin 2028
GJILAN – Sport Club Gjilani ka zyrtarizuar vazhdimin e bashkëpunimit me futbollistin Armend Thaqi, i cili ka rinovuar kontratën me klubin deri në verën e vitit 2028.
Sipas njoftimit të klubit, marrëveshja është arritur pas bisedimeve të zhvilluara në frymë mirëkuptimi dhe besimi të ndërsjellë, duke konfirmuar vazhdimësinë e rrugëtimit të përbashkët dhe objektivave afatgjata të skuadrës.
Me kontratën e re, Thaqi do të vazhdojë të jetë pjesë e rëndësishme e projektit sportiv të SC Gjilanit, ndërsa drejtuesit e klubit kanë shprehur kënaqësinë për arritjen e marrëveshjes dhe i kanë uruar futbollistit suksese të mëtejshme me fanellën kuqebardhë.
Klubi thekson se mbetet i përkushtuar në ndërtimin e një skuadre konkurruese dhe në realizimin e objektivave sportive për sezonet në vazhdim.
