KV DRITA SHËNON FITORE TË PASTËR 3-0 NDAJ SKENDERAJT NË SUPERLIGËN E FEMRAVE
Gjilanaset vazhdojnë serinë pozitive, triumfojnë edhe junioret
Gjilan – KV Drita e femrave ka shënuar fitore të rëndësishme në kuadër të Superligës A. Vajzat gjilanase kanë mposhtur me rezultat të pastër 3-0 ekipin e KV Skënderajt në ndeshjen e zhvilluar këtë fundjavë.
Setet u mbyllën me rezultat bindës: 25:15 | 25:20 | 25:15, duke dëshmuar superioritetin e Dritës gjatë gjithë takimit. Me këtë fitore, ekipi i drejtuar nga stafi teknik me Lorik Ilazin ne krye, vazhdon rrugën e suksesshme në kampionat dhe forcon pozitën në tabelë.
TRIUMFOJNË EDHE JUNIORET
Ditë të suksesshme për klubin gjilanas ishte edhe në kategoritë e reja. Junioret e KV Dritës gjithashtu kanë arritur fitore, duke mposhtur KV Skënderajin me rezultat 2-0.
Klubi përmes një postimi në Facebook ka falënderuar lojtaret dhe tifozët për mbështetje, duke theksuar:
“Vazhdojmë me fitore, vazhdojmë së bashku!”
KV Drita mbetet një nga skuadrat më të përgatitura dhe më ambicioze në volejbollin e femrave në Kosovë, me objektiv titullin kampion dhe paraqitje sa më të mira në rrjedhën e kampionatit.
