Shqipëria synon Ligën B, barazimi i mjafton ndaj Bjellorusisë
Kombëtarja e Shqipërisë luan sot ndeshjen vendimtare ndaj Bjellorusisë, në kuadër të xhiros së fundit të Grupit C1 të Ligës së Kombeve. Takimi zhvillohet në stadiumin “Illovszky Rudolf”, në Budapest, me fillim nga ora 18:00.
Kuqezinjtë, të drejtuar nga Rolando Maran, kryesojnë grupin me 12 pikë, dy më shumë se Bjellorusia. Për të siguruar vendin e parë dhe promovimin në Ligën B, Shqipërisë i mjafton edhe një barazim.
Shqipëria vjen pas fitores 2-0 ndaj Finlandës, ndërsa Bjellorusia mposhti me të njëjtin rezultat San Marinon.
Në këtë përballje, kuqezinjve do t’u mungojë Ylber Ramadani për shkak të pezullimit nga kartonët e verdhë. Ndërkohë, aktivizimi i Ernest Muçit mbetet në pikëpyetje për shkak të shqetësimeve fizike.
Në rast të fitores, Bjellorusia do ta kalonte Shqipërinë në renditje, duke e detyruar këtë të fundit të kërkojë mbijetesën në Ligën C përmes plejofit.
