Ndërprerja massive në Trafikun ajror në SHBA! Sekretari i transportit sqaron arsyet: Duhen 50 miliardë dollar invetsime
Sekretari amerikan i Transportit, Sean Duffy ka dhënë detaje të mëtejshme mbi arsyet teknike që çuan në ndërprerjen masive të trafikut ajror në Shtetet e Bashkuara.
Gjatë një konference për shtyp në Shtëpinë e Bardhë, Duffy deklaroi se pajisjet e rrjetit, përfshirë switch-et dhe router-at, u mbingarkuan nga sasia e madhe e të dhënave, duke shkaktuar mospërputhje në informacionin e transmetuar.
“Switch-et dhe router-at tanë u mbingarkuan nga të dhënat, duke krijuar mospërputhje në informacionin e transmetuar. Për këtë arsye vendosëm të ndalonim sistemin”, shpjegoi ai.
Sekretari i Transportit e cilësoi sistemin e kontrollit të trafikut ajror si jashtëzakonisht të vjetër, duke theksuar nevojën urgjente për investime në modernizimin e infrastrukturës.
Sipas Duffy, për këtë qëllim nevojiten 50 miliardë dollarë, ndërsa i bëri thirrje Kongresit amerikan të miratojë fondet e nevojshme.
Sa i përket rikthimit të plotë të normalitetit, zyrtari amerikan kërkoi kujdes, duke paralajmëruar se do të duhej kohë për të rikuperuar kapacitetin e plotë operacional të sistemit.
“Do të duhet kohë për t’u kthyer në normalitet”, deklaroi Duffy, ndërsa shprehu shpresën se situata do të përmirësohej ndjeshëm që ditën pasuese.
