Kamenicë: Nënshkruhet kontrata për asfaltimin e 53 rrugëve lokale
Komuna e Kamenicës ka nënshkruar kontratën për asfaltimin e 53 rrugëve lokale, me vlerë prej 859,999.98 eurosh. Projekti parasheh asfaltimin e gjithsej 6,512 metrave rrugë në shtatë lokalitete të komunës.
Lajmin e ka bërë të ditur kryetari i Kamenicës, Kadri Rahimaj, sipas të cilit, para nënshkrimit të kontratës kanë përfunduar procedurat administrative për realizimin e këtij projekti infrastrukturor.
Punimet pritet të përfshijnë rrugët lokale në Kamenicë, Koretin, Petrit, Topanicë, Busavatë, Berivojcë dhe Hogosht.
Përmes këtij investimi, komuna synon të përmirësojë infrastrukturën rrugore dhe të lehtësojë qarkullimin e banorëve në zonat e përfshira në projekt.
Projekti vjen në kuadër të investimeve të planifikuara nga Komuna e Kamenicës në infrastrukturën lokale.
