TOGER ISMET HASHANI NGA POLICIA E GJILANIT PUSHTON MAJËN E “BISTROS” 2651M, NË SHARR BASHKË ME VËLLAIN E TIJ
GJILAN, 27 Shtator 2026 – Zëdhënësi i Policisë Rajonale në Gjilan, Toger Ismet Hashani, ka pushtuar sot majën e “Bistros” me lartësi 2651 metra mbi nivelin e detit, në Parkun Nacional të Sharrit nga ana e Prevallës.
Në këtë sfidë malore, Hashani ishte i shoqëruar nga vëllai i tij, Avniu, të cilin duket se e ka joshur në pasionin për ecjet dhe pushtimin e majave të larta malore.
“Bora në majë ishte e rrëshqitshme, por pamja e mrekullueshme”
Përmes një postimi në rrjetet sociale, Hashani ka treguar përvojën e ditës:
“Sot me 27.09.2026, bashkë me vllaun tem Avninë e ngjitëm majën e ‘Bistros’ 2651 m lartësia mbi detare, në parkun nacional të Sharrit nga ana e Prevallës. Bora që kishte mbuluar majën ishte bukur sfiduese dhe e rrëshqitshme.”
Përvojë e gjatë në alpinizëm
Toger Ismet Hashani njihet tashmë për pasionin e tij për malet. Ai ka një përvojë të gjatë në këtë hobi personal, pasi më parë ka ngjitur dhe pushtuar disa nga majat më të njohura botërore.
Përveç angazhimit në detyrën e tij në Polici, Hashani po promovon edhe vlerat e jetës aktive dhe të turizmit malor, duke inkurajuar qytetarët që të zbulojnë bukuritë natyrore të Kosovës dhe rajonit.
