Departamenti i Gruas i KBI Gjilan organizon ekskursion njëditor me gratë e mësim-besimit
Departamenti i Gruas pranë Këshillit të Bashkësisë Islame në Gjilan ka organizuar një ekskursion njëditor me gratë që ndjekin mësim-besimin pranë mualimeve të kësaj komune.
Aktiviteti u zhvillua në një atmosferë të ngrohtë vëllazërore, duke ofruar mundësi për shoqërim, bashkëbisedim dhe forcim të lidhjeve mes pjesëmarrëseve.
Gjatë ekskursionit u përjetuan momente të veçanta gëzimi, reflektimi dhe bashkësie, të cilat kontribuojnë në kultivimin e vlerave fetare, edukative dhe shoqërore.
Departamenti i Gruas ka shprehur mirënjohje dhe falënderim për Këshillin e Bashkësisë Islame në Gjilan për mbështetjen e vazhdueshme dhe kontributin në realizimin e këtij aktiviteti, i cili la mbresa të veçanta tek të gjitha pjesëmarrëset.
