Cikloni dhe fronti i ftohtë me reshje vjen në Ballkan!
Një ciklon i fuqishëm që vjen nga Gjiri i Gjenoves në Italinë veriore do të arrijë direkt në drejtim të Ballkanit nga Adriatiku veriur, Sllovenia, Kroacia, Bosnja dhe Hercegovina, Serbia dhe pastaj do të shkojë në drejtim të Rumanisë dhe Bullgarisë.
Cikloni ka filluar të kushtëzojë rrebeshe shiu në Slloveni e Kroaci, ndërsa stuhi të fuqishme të izoluara sot priten edhe në Serbi, ndërsa ndonjë rrebesh i izoluar mund të prek edhe ndonjë rajon në Kosovë.
Kosova dhe Shqipëria sot shumë pak do të prekën nga këto masa ciklonike, megjithatë dita e nesërme do të jetë e stuhishme dhe me reshje edhe në pjesën më të madhe të Shqipërisë, Kosovës dhe Maqedonisë së Veriut.
Sipas parashikimeve aktuale (që mund të ndryshojnë sadopak) në Kosovë priten më së paku reshje dhe rrebeshet nuk do të zgjasin shumë, por të cilat nuk duhet nënvlerësuar. E theksojmë se edhe Kosova do të përfshihet nga reshje dhe rrebeshe shiu, por krahasuar me disa rajone të Ballkanit në Kosovë do të jenë më të pakta.
Rrebeshe mjaft intensive dhe shtrëngata me bubullima priten në shumë pjesë të Sllovenisë, Kroacisë, Bosnjës dhe Hercegovinës dhe Serbisë.
Nesër (e shtunë) cikloni përfshinë edhe Shqipërinë me rrebeshe lokalisht intensive shiu me vetëtima dhe bubullimë. Gjatë ditës ose pasdite reshje shiu e rrebeshe shiu me bubullima priten edhe në shumë rajone të Kosovës.
Reshje mjaft intensive priten sidomos në disa nga zonat bregdetare të Ballkanit.
Pra, para nesh ndryshimi drastik i motit dhe pas reshjeve (të shtunën vonë) vjen ulja e temperaturave dhe si pasojë dita e diel do të jetë e freskët por reshjet do të jenë të pakta.
Stuhi mjaft intensive priten edhe në Mal të Zi dhe Serbi si sot po ashtu edhe nesër.
Shqipëria do të përfshihet nga një sistem i fuqishëm reshjesh e rrebeshesh shiu gjatë ditës së Shtunë dhe pastaj edhe Kosova dhe Maqedonia Veriore. Rrebeshe mjaft intensive priten edhe në Maqedoninë Veriore.
Pra, sot (e Premte) cikloni prek shumë pak viset tona dhe fuqia e tij do të jetë në shtetet që i përmendëm më lartë, ndërsa nesër (e shtunë) cikloni përfshinë edhe Shqipërinë, Kosovën dhe Maqedoninë Veriore.
Këto reshje do të jenë shumë të mirëseardhura për disa rajone që po vuajnë nga thatësia.
E diela në Shqipëri nuk pritet të sjellë reshje të mëdha, por të pakta. Në Kosovë pak më shumë reshje priten edhe të dielën por jo shumë të theksuar dhe reshjet do të jenë të karakterit lokal. Atmosfera do të vjen duke u stabilizuar gradualisht, ndërsa temperaturat do të rriten ditën e hënë.
Informacione dhe detaje tjera në postimet tona në mbrëmje
