Mbahet punëtoria e radhës për hartimin e Hartës Zonale Komunale (HZK)
Drejtoria e Urbanizmit dhe Planifikimit Hapësinor më 12.05.2026, në sallën e Bibliotekës së qytetit, organizoi punëtorinë e radhës në kuadër të procesit për hartimin e Hartës Zonale Komunale (HZK), gjatë së cilës u rishikuan kushtet zhvillimore për të gjitha zonat e përcaktuara.
Në këtë punëtori morën pjesë shumica e anëtarëve të Ekipit Komunal të Planifikimit (EKP) dhe Ekipit Këshillues të Komunitetit (EKK). Diskutimet u fokusuan në mundësinë e përshtatjes më të mirë të kushteve zhvillimore me karakteristikat dhe nevojat socio-ekonomike të komunës.
Po ashtu, u theksua nevoja për koordinim më efektiv ndërmjet Komunës, veçanërisht Drejtorisë së Investimeve Kapitale, dhe ndërmarrjeve publike, me qëllim që t’i jepet përparësi zhvillimit të infrastrukturës teknike në zonat me potencial më të lartë zhvillimi.
Pjesëmarrësit vlerësuan gjithashtu rëndësinë e lehtësimit të kushteve zhvillimore, veçanërisht në zonën urbane, si hap i rëndësishëm drejt një planifikimi më efikas dhe zhvillimi të qëndrueshëm hapësinor.
